الرئيسية / أوتار / نغم\بقيت إنسان\طارق صابر عبدالجواد

نغم\بقيت إنسان\طارق صابر عبدالجواد

بقيت إنسان
أخيرا صرخ الحجر جواي
من شدة الألم
وأفتكر أنه لازم يعيش إنسان
وقال للظلم لا
السكوت ما عاد يجيب
مع قليل الأصل
غير الإهانة وقلة القيمة
وكسرة النفس
وسنين ندامة
بتضييع من العمر
في تأجيل قرار مصيري
يغير مسار حياة
ممكن تكون بتميل
تعدى الريح
علشان بتراعي ربنا
وبتمد الخيط
وتسيب براح للهداية
وعودة الروح والتئام الجروح
ولو من بره الوجوه
وسكوتك ما كان ضعف
منك ولا خضوع واستكانة
قد ما كنت تخاف
العيب والملامة
وحريص على استمرار
قطار الحياة
لكن في محطات السفر
تظهر وجوه كانت
متلونة بمائة ألف لون
وبتسقط وجوه من وجوه
وتظهر وجوه كانت
عن عينيك غايمه
ونايمة خلايا سرطانية
تنخر عظامنا لحد الموت
السكوت يا صاحبي
في الحالة دي
يكون معناه الموت
14563284_1667971133518684_7598092130485593746_n

اضف رد

لن يتم نشر البريد الإلكتروني . الحقول المطلوبة مشار لها بـ *

*