الرئيسية / عراق الحب والابداع / أأحلى اقداري … بقلك الشاعر حسن محمد علي

أأحلى اقداري … بقلك الشاعر حسن محمد علي

أحلي أقداري
1-

…..
هي اللي واقفه في ضهري
ودايماً سنداني
متحمله همجيتي عصبيتي
وعلطول مسمحاني
هي نور الصبح لما بيشقشق
والزرع الأخضراني
هي شجره قويه
في عز الصيف
وقت الضهريه
بضلها حمياني
هي نسمه هوي معديه
وقت العصريه
جايه مخصوص عشاني
هي حضن الأمان
وقت المغربيه
هي حبي الأخير
وحبي الأولاني
هي سكني هي داري
هي أحلي أقداري
هي الليل الأسمراني
هي كل كلمه حب حلوه
في كل الأغاني
هي أحلي بيت شعر
في أجمل قصيدة حب
في زماني

2-
هي اللي من جمالها
القمر بيداري ومكسوف
هي اللي أنا دايمآ
عليها ملهوف
هي اللي واقفه جنبي
في كل الظروف
هي اللي بتحسسني بالأمان
في عز الخوف
هي حبيبتي اللي إسمها
من 5 حروف

3-
هو ينفع يعدي النهارده
من غير ما أكتبلها
من غير ما أقولها
كل سنه وانتي طيبة
حبيبتي اللي أنا دايب فيها
وبرتاح في قربها
هي اللي من 28 سنه
أول مره شفتها
ومن 25 سنه
خطبتها
ومن 23 سنه
إتجوزتها
هي القلب الطيب
اللي مني قريب
يارب متحرمني منها
حبيبتي اللي بحبها

اضف رد

لن يتم نشر البريد الإلكتروني . الحقول المطلوبة مشار لها بـ *

*