الرئيسية / أوتار / أوتار شعرية / يعترينى شئ من الزهول بقلم الشاعر /عزالدين جبريل

يعترينى شئ من الزهول بقلم الشاعر /عزالدين جبريل

يعتريني شئ من الزهول
لخفقان قلبى والفكر
معقوله انى حبيت القمر
واتكحلت عيونى بالسهر
ورجعت من تانى احب
ارحم عزابى يادى القلب
كل شويه تنزل مطب
وتعشمنى بليلة قدر
وتنسينى لوعه وغدر
وفجأه يهل على الفجر
الاقى ف حلقى طعم المر
وايام عزاب ولا بتمر
انا نبهتك وانت الحر
فرحان ليه بطل تنطيط
هتوقع تانى وتبقى عبيط
واضرب راسى ف اتخن حيط
انا نبهتك وادينى حكيت
اياك يطلع حب بخيت
مش تتكسر وتبقى فتيت
عاوز تفرح اوقف فكر
احسن حلقك تانى يمرر
عيش الحب ومعاه اتصور
خدلك منه صوره وذكره
ماتفكرش يوم ايه بكره
واياك بعد الهجر
تندم تانى وتحاول تكره
انا نبهتك خلصت ضميرى
اتكلمت معاك كتر خيرى
استنى الجرح لكن من غيرى
جرحك انت وبس لوحدك
ونقسم بعض حدى وحدك
افرح وكأنه محدش قدك
بكره دموعك تغسل خدك
الشاعر /عزالدين جبريل

L’image contient peut-être : une personne ou plus

اضف رد

لن يتم نشر البريد الإلكتروني . الحقول المطلوبة مشار لها بـ *

*